فاریاب ولایتیده طالبان خوفسیزلیک قومندان‌لیگی نینگ تصدیق‌لشیچه، بو ولایت نینگ اندخوی تومنی‌ده ایکی علیحده ترافیکی حادثه یوز بېریب، اهالی‌دن قربان‌لیک آلگن.
مذکور واقعه‌لردن بیری اۉتگن کیچه، اندخوی-شبرغان قتناو یۉلی‌ده، بیر موترسایکل و ایکی بایسکل تۉقنه‌شگنی عاقبتیده یوز بېریب، نتیجه‌ده بیر کیشی جان بېرگن و ینه بیر کیشی یره‌لنگن.
شونینگدېک بوگون دوشنبه ۲ – سرطان، اندخوی – میمنه قتناو یۉلی‌ده یوز بېرگن ینه بیر حادثه عاقبتیده، ایکی کیشی جان بېرگن.
دېیرلی بو حادثه کرولا و کوماز رسوملی موترلر بیر بیراوی بیلن تۉقنه‌شگنی عاقبتیده صادر بۉلگن.
طالبان بو حادثه‌لرگه باغلیق بیر کیشی حبسگه آلینگنینی هم معلوم قیلدی.
ایتیش کېره‌ک که افغانستان‌ده یۉللر بوزوق‌لیگی و هیداوچیلرنینگ دقت‌سیزلیگی باعث، ترافیکی حادثه‌لر یوز بېریب اهالی‌دن قربان‌لیک آلیب کېلماقده دیر.
