طالبان نظارتی آستیده افغانستان احصاییه و معلومات ملی اداره‌سی نینگ اعلام قیلیشیچه، افغانستان جاری قویاش ییلی نینگ ثور آیی دوامی‌ده، ۱۰۲.۷ میلیون دالر ارزشی‌گه سوداگرلیک توارلرنی چیت‌ایل‌گه صادر قیلگن.
شونینگدېک مذکور آی دوامی‌ده، افغانستان بیر میلیارد و ۲۴۴ میلیون دالر ارزشی‌گه سوداگرلیک توارلرنی چیت‌ایل مملکتلریدن وارد قیلگن.
طالبان بو اداره‌سی تامانیدن نشر اېتیلگن معلومات‌لرگه کۉره، ثور آیی دوامی‌ده افغانستان صادرات رقمی حمل آیی‌گه نسبتن ۱۷ میلیون دالر و واردات رقمی اېسه ۴۰ میلیون دالر آشگن.
دیمک اخیرگی آی‌لر ایچیده، تورلی سبب‌لر اینقسه افغانستان و پاکستان اۉرته‌سیده‌گی کېلیشماوچیلیکلر باعث افغانستان صادرات رقمی آزه‌ییب باره‌یاتکن اېدی.
