جوزجان مرکزی شبرغان شهریده‌گی «میرزا اولوغ بیک» کمپنیه‌سیده یانغین یوز بېرگن.
سه‌شنبه کونی اېرته‌لب برق توته‌شی طفیلی یوز بېرگن بو حادثه‌ده نتیجه‌سیده، کمپنیه جدی زیان کۉرگن و ایشلب چیقرووچی ایریم ماشین و اوسکونه‌لری هم یانغین‌ده یانیب کېتگن.
کمپنیه مسووللریدن اسدالله بیگی بو حادثه طفیلی اۉرته‌گه کېلگن زیان‌لر حقیده بوندی دېدی. «بو ییرده پاپر ایشلب چیقاریله‌یدی و بو ییرده یوزدن آرتیق قیز و خاتین ایشلش اېدی. بو حادثه برق توته‌شی عاقبتیده یوز بېردی. منه سیز کۉریب توریب‌سیز بو یانگن نرسه‌لر کمپنیه اوسکونه‌لری دیر. ۲۰ تُن خام محصولات یانیب کېتگن.»
مذکور کمپنیه مسووللری نینگ ایتیشیچه، بو کمپنیه‌ده کمیده یوز کیشی عیال و ۵۰ کیشی ایرکک ایش بیلن بند اېدی و حاضر بو واقعه یوز بېریشی بیلن شونچه کیشی نینگ ایشی دوامی خواطرده توشیب قالگن.
کمپینه مسووللریدن ینه بیری عبدالخالق نینگ ایتیشیچه «بو ییرده یوز کیشی عیال و سینگیللریمیز ایشله‌یدی و ۵۰ کیشی هم ایرکک بار اېدی. بیزنینگ شرکت‌میز منه بوندی آغیر زیان کۉردی.»
عینی حالده، میرزا اولوغ بیک کمپنیه‌سی مسوووللری ایش‌لرینی قیته باشلشی و شونچه عیال و ایرکک اوچون ایشی دوامی اوچون حکومت و تشکیلات‌لردن یاردم سۉره‌یدیلر.
عبدالخالق نینگ کۉپه‌یتیریشیچه «حکومت و یاردم بیروچی تشکیلات‌لردن اېسته‌یمیز که بیزگه بیران یاردم بیرسین تا بیز فعالیت‌لریمیزنی قیته باشله‌یلیک.»
ایتیش کېره‌ک که شبرغان شهری نینگ بابه علی قیشلاغیده جایله‌شگن بو کمپنیه، آزیق-آوقت محصولاتلرینی ایشلب چیقریش ساحه‌سیده فعالیت قیله‌یدی
