لاجورد یۉلی تدقیقات مرکزی بیر بیانات نشر قیلیب اعلان قیلیشیچه، تورکیه نینگ استانبول شهریده، بو مرکز تامانیدن افغانستان کېله‌جگی حقیده سمینار اۉتکزیله‌دی.
لاجورد یۉلی تدقیقات مرکزی «انقراض‌دن تیکلنیش‌گه قدر: افغانستان سیاسی کېله‌جگینی شکل‌لنتیریشده دیاسپورانینگ رولی» عنوانی آستیده‌گی بو سمینار جولای آیی نینگ ۱۴ – سیدن ۱۸ –سیگه قدر اۉتکزیلیشینی معلوم قیلگن.
ایتیلیشیچه بو سمینار، خلق‌ارا بیلیمدانلر، سیاست و جماعه‌شناسلیک ساحه‌لریده‌گی تدقیقاتچیلر همده سیاسی و مدنی فعاللر اشتراکیده بۉلیب، اۉتکزیلیشیدن اساسی مقصد، افغانستان دیاسپوراسی نینگ ایچیده رهبرلیک روللرینی اساسی و تنقیدی تیکشیریش دیر.
شونینگدېک ییغین‌ده، افغانستان نینگ قوشمه کېله‌جگیده قندی قیلیب، مسوول رهبرلیک‌نی یره‌تیش مساله‌سی حقیده فکر المشتیریلیشی معلوم قیلینگن.
ایتیش کېره‌ک که طالبان افغانستان حاکمیتی‌گه قیتیشی بیلن، مملکت نینگ سیاسی تقدیری ناانیق بیر وضعیتده توشیب قالگن. شو سبب دنیا بویلب کۉپلب ییغین‌لر آرقه‌لی افغانستان کېله‌جگی تیکشیریلماقده و بو خصوصده یۉل-خریطه‌لری تکلیف اېتیلماقده دیر.
