خلق‌ارا یېتکیرمه‌لر غزه ساغلیقنی سقلش اداره‌سی معلوماتی‌گه ته‌ینیب خبر بېریشیچه، غزه‌ده اسراییل هجوملری باشلنگنیدن بیری، جان بېرگن فلسطین‌لیکلر سانی ۵۸ مینگ و ۲۴ کیشی‌گه ییتیشگن.
شونینگدېگ حاضرگه قدر بو اوروش نتیجه‌سیده ۱۳۸ مینگ و ۵۲۰ کیشی هم یره‌لنگن.
بو حقده نشر اېتیلگن معلومات‌لرنی بیلدیریشیچه، اسراییل نینگ سونگی کېچه و کوندوز دوامی‌ده اۉیوشتیرگن هجوملری نتیجه‌سیده ۱۳۹ کیشی جان بېریب و ۴۲۵ کیشی هم یره‌لنگن.
ایتیش کېره‌ک که اسراییل بو هجوملری نتیجه‌سیده قربان بۉلگنلر ایچیده کۉپلب باله‌لر هم بارلیگی معلوم قیلینگن.
بو قربانلر شوندی بیرحالده دیر که غزه اوروشی یکونلنیشی مقصدیده بۉلگن سونگی مذاکره‌لر هم نتیجه‌سیز یکونلنگن.
شوندی اېکن حاضر غزه اوروشی قچان و قندی یکونلنیشی هلی‌گچه انیق بیللی اېمس و بو وضعیتده اسراییل نینگ قانلی هجوملری هم جدی دوام اېتماقده دیر.
