فاریاب ولایتی سابق والیسی نقیب الله فایق، بو ولایت کېنگشی سابق اعضاسی محب الله میرزاد اۉلدیریلیشی خصوصیده مناسبت بیلدیردی.
نقیب الله فایق جنابلری، بو حقده فیسبوک صحیفه‌سیده یازگن بیاناتیده، طالبان حاکمیتیده افغانستان شمالی حدودلری قومی بویوک‌لری یۉق اېتیلیشی اوچون سعیوحرکت بۉلیب تورگنیدن خبر بېرگن.
فاریاب سابق حاکمی نینگ ادعا قیلیشیچه، فاریاب‌ده اۉتگن بیر آی ایچیده ۳۵ کیشی یاشیرین حالده اۉلدیریلگن.
فاریاب سابق والیسی نینگ تاکیدلشیچه، بو شخص‌لرنی برچه‌سی فاریاب قوم بویوکلرینی یۉق اېتیش مقصدیده اۉلدیریلگن.
ایتیش کېره‌ک که فاریاب‌ده اۉتگن هفته ناتانیش قورالی شخص‌لر تامانیدن اۉققه توتیلگن بو ولایت کېنگشی سابق اعضالری‌دن محب الله میرزاد بوگون جان بېردی.
بوندن ایلگری هم فاریاب‌ده شوندی واقعه‌لر صادر بۉلیب، سابق حکومت رسمی‌لری و حربی‌لری اۉلدیریلگن اېدی.
