ایران پایتختی تهران شهریده فریده محمدی ناملی، افغانستانلیک مهاجر اۉزبېک قیز یۉقالگنیدن اۉن کون اۉتماقده. بیراق هلیگچه بو قیزنینگ تقدیری ناانیق قالماقده دیر.
اۉزبېک تیوی منبعلری نینگ ایتیشیچه، بو قیزنینگ بیدرک یۉقالیشی عایلهسی اینقسه آنهسینی جدی خواطر و آغیر احوالده قویگن.
بو قیز یقینلری، طالبان نینگ تهراندهگی ایلچیخانهسی و ایران دولت ادارهلریگه هم باریب، بو حقده توجه قرهتیشلرینی سۉرهگن. بیراق حاضرگچه بو قیز تقدیری بیللی بۉلگن اېمس.
ایتیش کېرهک که فریده محمدی سرطان آیی نینگ ۱۸ – سی ایران پایتختی تهران شهریدن یۉقالگن اېدی.
ایتیلیشیچه فریده محمدی، تهران شهریدهگی تیکووچیلیک ایشخانهلریدن بیریدهگی ایشیدن قیتیب کېلهیاتکن چاغی ناتانیش شخصلر تامانیدن اوغیرلنیب یۉقالگن.