بوکون : یکشنبه 9 سنبله 1404

Kabul
+10...+17° C

بوکون : یکشنبه 9 سنبله 1404

Kabul
+10...+17° C

اۉزبېک تی‌وی

پخش ویدیو

اېنگ کوپ اۉقیلگن

آلمان‌ده افغانستان‌لیکلر مجلسی؛ اۉزبېک و تورکمن‌لرنینگ ینگی اویوشمه‌سی ایجاد اېتیله‌دی

آلمان نینگ هامبورگ شهریده، بو مملکتده یشاوچی بیر قنچه اۉزبېک و تورکمن فعاللری، قوم بویوک‌لری، آق سقاللر، خاتین-قیزلر و یاش‌لر آره‌سیده قرار قبول قیلیش مجلسی اۉتکزیلگن.

اوشبو مجلس‌دن اۉزبېک تی‌وی گه یوباریلگن معلومات‌گه کۉره، بو ییغین آق‌سقاللر کېنگشی مجلسی دایره‌سیده اۉتکزیلیب، بیرلیک و بیردم‌لیک اوستیده تاکید اېتیلگن.

شونینگدېک مذکور مجلس‌ده، اۉزبېک و تورکمن خلق‌لری‌گه تېگیشلی بیر اویوشمه ایجاد اېتیلیب، اۉزبېک و تورکمن خلق‌لری نینگ قدریت‌لرینی سقلش مقصدیده ایرکین فعالیت قیلیشی قرار قیلینگن.

بو حقده نشر اېتیلگن بیاناتده کېلیشیچه “آلمان نینگ هامبورگ شهریده، آق‌سقاللر کېنگشی باشلیغی و اعضالری، قوم بویوکلری، عیاللر و یاش‌لر اشتراکیده قرار قبول قیلیش مجلسی اۉتکزیلدیییغین یکونی‌ده، اشتراکچیلر کۉپلب ایشانچ آواز بیلن مهاجرت‌ده اۉزبېک و تورکمن خلقلری نینگ مدنی بارلیکلری، عرف‌وعادتلری، تیل و باشقه کیره‌کلیکلریدن یخشی‌لب وکالت قیلیش مقصدیده ایرکین و فعال ینگی بیر اویوشمه‌ توزولیشینی قرار قیلدی‌لر.”

دېیرلی آلمان‌ده یشاوچی اۉزبېک و تورکمن‌لر، بو اویوشمه ایجاد اېتیلیشی خصوصیده بیر ایش کمیسیونی ایش‌گه باشله‌شی حقیده هم قرار قیلگن.

ایتیلیشیچه، بو اویوشمه اۉزبېک و تورکمن خلق‌لری نینگ قدریت‌لرینی سقلش مقصدیده فعالیت قیله‌دی.

شریک قیلینگ

Related Posts

Add New Playlist