جرمنینینگ فدرال قاچقینلر و مهاجرلر ادارهسی (BAMF) معلوم قیلیشیچه، جرمنیدهگی باشپناه سۉرهگن عیاللرنی سانی مثلی کۉریلمهگن درجهده آشگن.
اشپیگل هفتهلیگی خبریگه کۉره، جاری ییلنینگ فقط جولای آییده جرمنیده ۳۰۰۰ دن آرتیق افغانستانلیک عیال باشپناه قیدریب عریضه تاپشیرگن بۉلیب، بو کۉرستیشلر ایلگری آیگه نسبتاً ایککی برابر کۉپ بۉلگن.
۲۰۲۵ ییل باشیدن حاضرگچه جرمنیدهگی تخمیناً ۹۵۹۳ افغانستانلیک عیال باشپناه ایزلب بو ادارهگه مراجعت قیلگن. بو عریضهلرنینگ یریمی ایلگری جرمنیده استقلالگه یېتگن عیاللر تامانیدن تاپشیریلگن بۉلیب، اولر قیته کۉریب چیقیش یاکه ینگی حمایه مقامی سۉرهب مراجعت قیلیشگن.
طالبان ۲۰۲۱ ییلده افغانستانده حاکمیتنی قیته قۉلگه آلگنیدن بو تامان، آلتینچی صنفدن یوقاریدهگی قیزلرنی تعلیم آلیشدن محروم قیلدی. کېیین افغانستان عیاللری و قیزلریگه بیلیم یورتیلرگه باریش منع بۉلیب، حتی کۉپلب دولت ادارهلریده همده برچه مؤسسهلرده ایشلشی منع اعلان اېتیلدی. عیاللر حماملرگه، باغ و دم آلیش جایلرگه باریش، اوزاق مسافهگه شرعی محرمسیز سفر قیلیش کبی چېکلاولر هم طالبان تامانیدن قوییلدی. اصلیده بو حرکتلر افغانستان عیاللری و قیزلرینینگ انسان حقوقلرینی سلب قیلگن حسابلنهدی.
