روسیه نینگ تاس یېتکیرمه‌سی تامانیدن نشر اېتیلگن خبرگه کۉره، قزاقستان باش وزیری اولژاس بیکتنوف، اوراسیا اقتصادی تشکیلاتی‌گه، بو مملکت افغانستان آرقه‌لی پاکستان‌گه باغلنیشینی تکلیف قیلگن.
قزاقستان باش وزیری تکلیفی اساسیده، اوشبو ترانزیت یۉلی هرات-تۉرغندی تیمیر یۉلی آرقه‌لی ممکن دیر که عملگه آشیریلگن تقدیرده اوراسیا اقتصادی همکارلیگی اوچون ینگی بیر ترانزیت یۉلی آچیلهدی.
قزاقستان باش وزیری بو مساله‌نی، اوراسیا اقتصادی تشکیلاتی نوبتده‌گی ییغینیده بیان قیلگن.
بیکتنوف هرات-تورغندی تیمیر – یۉلی ترماغی هر ییلی ۱۰ میلیون تُن یوک تاشیلیشی امکانیتی‌گه ایگه بۉلگنینی تاکیدلب، بو یۉل‌دن اوراسیا اقتصادی تشکیلاتی‌گه اعضا مملکتلر فایده‌لنیشلرینی سۉره‌گن.
