ایریم یېتکیرمه‌لر اۉز منبع‌لری تامانیدن بېریلگن معلومات‌لرگه ته‌ینیب خبر بېریشیچه، پاکستان پایتختی اسلام آباد شهری جاری آی دوامی‌ده، افغانستان‌لیک سیاسی سیمالر و جریان‌لر ییغینی‌دن میزبان‌لیک قیله‌دی.
ایتیلیشیچه اوشبو ییغین، جاری میلادی آی نینگ ۲۵ – و ۲۶ – کونلری بۉلیب اۉتیشی ریجه‌لشتیریلگن.
حاضرگه قدر بو ییغین‌ده انیق کیم و قیسی جریان‌لر اشتراک اېتیشی بیللی اېمس. بیراق ایتیلیشیچه بو ییغین‌ده طالبان‌گه قرشی گروه‌لر، فعاللر، سیاسی سیمالر و عیاللر چقیریلگن.
شونینگدېک ییغین حقیده حاضرگچه، تۉلیق تفصیلات بېریلگن اېمس و طالبان هم بو خصوصده هلی‌گچه مناسبت بیلدیرمه‌گن.
ایتیش کېره‌ک که سونگی ییللر ایچیده، بو ایلک‌بار دیر که پاکستان طالبان‌گه قرشی سیمالر ییغینی‌دن میزبان‌لیک قیله‌دی.
