طالبان باش وزیری‌نینگ اداری ایشلر بۉییچه اۉرین باسری عبدالسلام حنفی، دنیا مملکتلریدن، طالبان حکومت‌نی رسمیت‌گه تَن آلیش‌لرینی سۉره‌دی.
عبدالسلام حنفی بو تکلیف‌نی کابلده طالبان تامانیدن اۉتکزیلگن «انرژی سکتورینی قۉللب-قوتله‌ش و سرمایه‌لرنی جذب اېتیش» کنفرانسیده، تیلگه آلگن.
مذکور کنفرانس‌ده طالبان‌نینگ باشقه یوقاری مرتبه‌لی رسمی‌لری هم اشتراک اېتیب، مملکتلردن افغانستان‌ده سرمایه کېریتیش‌لرینی سۉره‌گن.
شونینگدېک طالبان رسمی‌لری، بو حاکمیت‌گه نسبتن اقتصادی تحریملر، اینقسه مالی و بانکی چیکلاولر بیکار قیلینیشینی هم طلب قیلدی.
طالبان شوندی بیرحالده دنیا مملکتلریدن بو حاکمیتنی رسمی تَن آلیش‌لرینی سۉره‌ماقده دیر که اۉتگن تۉرت ییل دوامی‌ده، طالبان یالغیز روسیه تامانیدن رسمیت‌گه تانیلگن.
