طالبان یوقاری مرتبه‌لی رسمی‌لری بوگون کابلده، انرژی سکتورینی قوللب-قوتلش و سرمایه جذب اېتیش مقصدیده اۉتکزیلگن کنفرانسده اعلام قیلیشیچه، اۉزبېکستان بیلن طالبان اۉرته‌سیده امضالنگن، برق ییتکزیش ساحه‌سیده‌گی لایحه‌لرنینگ عملی ایشی باشلنه‌دی.
دېیرلی مذکور لایحه‌لر، سرخان-پلخمری ۵۰۰ کیلوولت برق لینی اۉزلتیریشی، دشت‌الوان سب‌استیشنی کېنگه‌ییتیریلیشی، ارغندی سب‌استیشنی کېنگه‌ییتیریلیشی و شیخ مصری سب‌استیشنی‌نینگ ۲۲۰ ولت برق لینی تمدید اېتیلیشی همده اوشبو سب‌استیشن کېنگه‌ییتیریلیشی‌دن عبارت بۉلیب، بو لایحه‌لرنینگ عملی ایشی باشلنیشی قراری بوگون امضالنگن.
اوشبو شرطنامه‌لر ۲۵۰ میلیون دالر ارزشی‌گه ایگه بۉلیب، بوندن ایلگری اۉزبېکستان انرژی وزیری جوره‌بیک میرزامحمدوف‌نینگ افغانستان‌گه بۉلگن سفری دوامی‌ده، امضالنگن اېدی.
شو بیلن بیرگه طالبان رسمی‌لری، ۹ مینگ و ۱۲۳ مېگاوات برق آست قورمه‌لری قوریلیشی همده ۲۸۴ مېگاوات برق ایشلب چیقاریش شرطنامه‌سی هم امضالنگنیدن خبر بېردی.
