اسراییل حربی کوچلری اۉتگن کون سه‌شنبه ۱۸ – سنبله قطرگه قرشی هجوم اویوشتیردی.
اسراییل حربی کوچلری تامانیدن نشر اېتیلگن معلومات‌گه کۉره، اوشبو هجومده حماس گروهی اعضالری نشان‌گه توتیلگن.
دیمک بو هجومده حماس گروهی تینچ‌لیک مذاکره‌لرده‌گی هیاتی نشان‌گه آلینگن و ایتیلیشیچه بیش کیشی بو هجوم نتیجه‌سیده جان بېرگن.
مذکور هجوملر قربانلری کېملر دیر؟
ایریم یېتکیرمه‌لر تامانیدن نشر اېتیلگن خبرلرگه کۉره، حماس گروهی رهبرلری‌دن بۉلمیش خلیل الحیه اداره‌سی باشلیغی ابو بلال و الحیه‌نینگ اۉغلی همام الحیه هجوم قربان‌لریدن دیر.
شونینگدېک ابو خلیل، ابو عمر و ابو مالک ناملی شخص‌لر هم، بو هجوم نتیجه‌سیده جان بېرگن.
مذکور شخص‌لر حماس گروهی‌نینگ اعضالری بۉلگنی ایتیلگن. بیراق بو هجومده حماس گروهی ییریک رهبرلری قربان بۉلگنی حاضرگچه تصدیق‌لنگن اېمس.
هجومگه نسبتن مناسبت‌لر
اسراییل‌نینگ بو هجومی تورلی خیل مناسبت‌لرنی هم اۉرته‌گه آلیب کېلگن و بو واکنش‌لر دوام اېتماقده دیر.
قطر تشقی ایشلر وزیرلیگی اسرییل بو هجوملری برابریده مناسبت بیلدیریب، بو هجوملرنی خلق‌ارا اصوللر نقض اېتیلیشی و قطر و قطر اهالیسی‌گه قرشی جدی تهدید دېب بیان قیلدی.
شونینگدېک ایران تشقی ایشلر وزیرلیگی نینگ سۉزلاوچیسی اسماعیل بقایی، اسراییل بو هجوملرینی جدی تهدید و خلق‌ارا اصوللرگه قرشی دېب بیلدیردی.
عینی حالده فرانسه جمهور باشلیغی امانول مکرون هم قطر بو هجوملرینی قاره‌لگن.
بونگه قوشیمچه دنیا باشقه بیر قنچه مملکتلری هم اسراییل بو هجوملرینی قاره‌لب، تنقید قیلماقده دیر.
