اسراییل تامانیدن اۉتگن قطر پایتختی دوحه شهری‌گه اویوشتیریلگن هوایی هجوم آرتیدن، بیرلشکن ملتلر تشکیلاتی خوفسیزلیک کېنگشی بو هجوم خصوصیده شاشیلینچ ییغین اۉتکزیش‌گه قرار قیلگن.
مذکور ییغین، بوگون چهارشنبه نیویارک وقتی بیلن توشدن کېین ساعت ۳:۰۰ ده اۉتکزیلیشی ریجه‌لشتیریلگن.
دېیرلی مذکور هجوم، قطرده حماس گروهی‌نینگ اداره‌سینی نشان آلگن اېدی.
اسراییل‌نینگ بو هوا هجوملری خلق‌ارا تنقیدلر و ناراضلیکلرگه سبب بۉلیب، دنیا کۉپ مملکتلری بو هجوم‌نی قاره‌لدی.
شونینگدېک بیرلشکن ملتلر تشکیلاتی‌نینگ باش کاتبی آنتونیو گوتریش هم، مذکور هجوم برابریده مناسبت بیلدیریب، اسراییل بو حرکتینی قاره‌لگن.
گوتریش بو حقده نشر قیلگن بیاناتیده، غزه‌ده آتیش-کېسین تامین‌لنیشی و حماس گروهی تامانیدن اسیرلر آزاد اېتیلیشی خصوصیده‌گی واسطه‌چیلیک قیلیب تورگن قطر سعی‌وحرکتلرینی آلقیش‌لگن.
ایتیش کېره‌ک که اسراییل بو هجوملری نتیجه‌سیده، حماس گروهی‌نینگ کمیده بیش اعضاسی قربان بۉلدی.
