غزه‌ده تینچ‌لیک تامین‌لنیشی مقصدیده امریکا قوشمه ایالتلری جمهور باشلیغی‌نینگ ریجه‌سی و بو ریجه خصوصیده حماس گروهی قراری اسلامی ۸ مملکت تشقی ایشلر وزیرلری تامانیدن قدرلندی.
دیمک تورکیه، اردون، پاکستان، اندونیزیا، قطر، سعودی عربستان و مصر تشقی ایشلر وزیرلری قوشمه بیانات نشر قیلیب، ترامپ‌دن بو ریجه‌سی خصوصیده منتدارلیک بیلدیرگن.
مذکور مملکتلر تشقی ایشلر وزیرلری تامانیدن نشر اېتیلگن قوشمه بیاناتده، ترامپ‌نینگ غزه‌ده بمباران تۉخته‌تیلیشی و اسیرلر آزاد اېتیلشی خصوصیده‌گی تکلیفی تینچ‌لیک اوچون مهم آدیم دېب بیلدیریلگن.
شونینگدېک بو مملکتلر، حماس گروهی‌نینگ هم بو حقده‌گی قرارینی خوش قرشی‌لب، بو قرار تینچ‌لیک اوچون اونملی دېب معلوم قیلدی.
اسلامی مملکتلردن بۉلمیش اوشبو مملکتلر قوشمه بیاناتیده، غزه‌ده تینچ‌لیک تامین‌لنیشی و انسان‌پرورلیک یاردملر ییتکزیلیشی هم تاکیدلنگن.
ایتیش کېره‌ک که دونالد ترامپ یقین ریجه‌سینی اعلام قیلیب، اسراییل‌دن غزه‌ده‌گی بمباران‌لرینی تۉخته‌تیشینی سۉرهگن اېدی. بیراق شوندی بۉلسه هم اسراییل اۉز هجوملریگه دوام بېرماقده دیر.
