امریکا قوشمه ایالتلری پنسلوانیا ایالتی‌نینگ «فیلادلفیا» شهریده، ۲۹ – میزان اۉزبېک تیلی ملی کونی مناسبتی بیلن طنطنه‌لی بیر احتفال اۉتکزیلدی.
یقین‌ده فعالیت‌گه باشله‌گن امریکاده یشاوچی اۉزبېک-تورکلرنینگ «تیمور فرهنگی و اجتماعی اویوشمه‌سی» تشبثی بیلن اۉتکزیلگن اوشبو احتفالده، قطار فعاللر، سابق سیاسی سیمالر، عیاللر و صنعتکارلر اشتراک قیلگن.
احتفال اشتراکچیلری اۉزبېک تیلی‌نینگ اۉرنی همده افغانستان جماعه‌سیده بو تیل اهمیتی خصوصیده نطق سۉزلب، تیل رواجی اوچون جدی توجه قره‌تیلیشی کېره‌ک دېب بیلدیرگنلر.
عینی حالده احتفال تشکیلاتچیلری، امریکاده اۉزبېک تیلی و مدنیتی رواجلنیشی و سقلنیشی مقصدیده، احتفالنی اۉتکزه‌یاتکنلرینی معلوم قیلگن.
شونینگدېک احتفال دوامی‌ده، خلقمیزنینگ تانیقلی صنعتکارلری بۉلمیش خیرمحمد چاووش و کبیر کمال آرقه‌لی چیرایلی قوشیق‌لر اجرا اېتیلگن.
اۉزبېک تی‌وی گه بو احتفالده یوباریلگن صورت‌لرده، اشتراکچیلردن بیر قطاری آلقیش‌نامه‌لر ترقه‌تیلیب، اولرنینگ فعالیت‌لری قدرلنگنی کۉرینه‌دی.
ایتیش کېره‌ک که تیل بیره‌می هفته‌سی ییتیب کېلیشی بیلن افغانستان تورلی حدودلریگه علاوه، دنیا مملکتلری‌ده هم بو بیره‌م نشان‌لنماقده دیر.
