تورکمنستان خلقی‌نینگ ملی رهبری قربانقلی بیردی محمدوف و طالبان باش وزیری‌نینگ اقتصادی اۉرین باسری عبدالغنی برادر، افغانستان حدودیده تاپی لایحه‌سی ایش جریانی‌دن کۉریب چیقدی‌لر.
طالبان باش وزیری اقتصادی اۉرین باسرلیگی بو حقده نشر قیلگن بیاناتیده، طالبان و تورکمنستان یوقاری مرتبه‌لی اوشبو هیات‌لری بو سفری، تاپی لایحه‌سینی عملگه آشیریش ایشلرینی تیزلشتیریش و بو خصوصده هماهنگ‌لیکلرنی کۉپه‌یتیریش دېب معلوم قیله‌دی.
عینی حالده طالبان و تورکمنستان یوقاری مرتبه‌لی رسمی‌لری، اۉز ارا مناسبت‌لری کینگه‌ییب باره‌یاتکنیدن هم خبر بېرگن.
شونینگدېک بو ایکی تامان رسمی‌لری، تاپی لایحه‌سیگه قوشیمچه باشقه اقتصادی همکارلیکلر ساحه‌سیده هم همکارلیکلر کۉپه‌یشیگه تاکید قیلگنلر.
ایتیش کېره‌ک که تورکمنستان، طالبان‌نی رسمیت‌گه تَن آلمهگن بۉلسه هم بیراق، بو حاکمیت بیلن مهم اقتصادی همکارلیکلرینی دوام بېرماقده دیر.
