جوزجان ولایتی‌دن محلی منبع‌لرنینگ اۉزبېک تی‌وی گه تصدیق‌لشیچه، بو ولایت مرکزی شبرغان شهریده، افغانستان سابق حربی‌لریدن بیری بۉلمیش «شیر قومندان» ناملی شخص‌گه قرشی قورالی هجوم اویوشتیریلگن.
ایتیلیشیچه اوشبو هجومده، شیر قومندان‌نی اۉزی‌گه زیان ییتیشمه‌گن. بیراق اونینگ اوکه‌سی ناتانیش شخصلر هجومی نتیجه‌سیده جان بېرگن.
ایتیلیشیچه افغانستان ملی اسلامی جنبش حزبی چوکاتیده ییللر حربی فعالیت قیلگن بو کیشی، سونگی وقتلرده ایران‌دن چیقاریلیب مملکت‌گه قیتیب کېلگن اېکن.
سابق حربی‌لردن بو کیشی‌گه قرشی هجوم کېم تامانیدن اویوشتیریلگن بیللی اېمس و جوزجان ولایتیده طالبان محلی رسمی‌لری هم حاضرگچه بو خصوصده تفصیلات بېرمه‌گن.
ایتیش کېره‌ک که سونگی وقتلرده کۉپلب حربی‌لر بوندی هجوملرگه دوچ کېلیب جان بېرگن.
