اسلامی همکارلیک تشکیلاتی‌نینگ کابلده‌گی دفتری، “اسلامی صندیغ جمغرمه‌سی” بیلن افغانستان‌نینگ شرقیده‌گی زلزله اورگنلریگه مالیوی یاردم کۉرستیش بۉییچه کېلیشوو امضالنگنینی اعلام قیلدی.
اوشبو دفتر بوکون سه‌شنبه ۲۹ – میزان، اۉزی‌نینگ بېرگن بیاناتیده کۉره، بو کېلیشوو اساسیده، افغانستان‌نینگ قیزیل آی جمعیتی بیلن همکارلیکده زلزله جبرلنگنلرگه یاردم کۉرستیله‌دی.
اسلامی همکارلیک تشکیلاتی دفتری‌نینگ ایتیشیچه: “اسلامی صندیغ جمغرمه‌سی‌نینگ دایمی انسان‌پرورلیک سعی-حرکتلری و اونینگ اسلام دنیاسی‌گه بۉلگن مسئولیتینی عملگه آشیریش” صفتیده تقدیم اېتیشینی معلوم قیلدی.
بیر یریم آی آلدین، ۶ رشترلیک زلزله افغانستان‌نینگ شرقینی لرزه‌گه سالیب، اینیقسه کنر ولایتیده کۉپ هلاکت و ضرر کېلتیردی. بیرلشگن مللتلر تشکیلاتی معلوماتیگه کۉره، بو زلزله نتیجه‌سیده ۱۹۹۲ کیشی هلاک بۉلیب و ۳۶۳۱ کیشی یره‌لندی.
