رویترز تامانیدن نشر اېتیلگن خبرگه کۉره، امریکا قوشمه ایالتلری‌نینگ جمهور باشلیغی دونالد ترامپ و روسیه جمهور باشلیغی ولادیمیر پوتین اۉرته‌سیده بۉلیب اوتیشی ریجه‌لشتیریلگن حضوری اوچره‌شوو، کیچیکتیریلگن.
ایتیلیشیچه اوکراین‌ده آتیش-کېسین برقرار اېتیلیشی خصوصیده بۉلگن تکلیف، روسیه تامانیدن رد اېتیلیشی، بو اوچره‌شوو بیکار قیلینیشی‌گه سبب بۉلگن.
بو حقده نشر اېتیلگن خبرلرگه کۉره، حاضر پوتین و ترامپ اوچره‌شووی بیکار قیلینگن و بو اوچره‌شوو ینه قچان ریجه‌لشتیریلیشی بیللی اېمس دیر.
ایتیش کېره‌ک که بوندن ایلگری، امریکا و روسیه دولت رهبرلری مجارستان‌نینگ بوداپست شهریده اوچره‌شیشی اعلام قیلینگن اېدی.
اوشبو اوچره‌شووده امریکا و روسیه دولت رهبرلری، اوکراین‌ده دوام اېتیب تورگن اوروش خصوصیده فکر المشتیریب، بو اوروش یکونلنیشی اوچون بۉلگن یۉللرنی محاکمه قیلیشی کوتیلماقده اېدی.
ایتیش کېره‌ک که بوندن ایلگری هم روسیه و امریکا دولت رهبرلری خودی شو مساله یوزه‌سیدن بیر مراتبه اوچره‌شوو اۉتکزگن. بیراق حاضرگچه بو اوچره‌شوو اوکراین اوروشی یکونلنیشیگه سبب بۉلمه‌گن.
