بیرلشگن ملتلر تشکیلاتی‌نینگ باله‌لرنی قۉللب-قووتلش جمغرمه‌سی(یونیسف) ایتیشیچه، ساغلیقنی سقلش خادملری، آرتیب باره‌یاتگن قیینچیلیکلرگه قره‌می، چېککه حدودلر و تاغلی قیشلاقلرگه یره‌لنگنلرنی دوالش، باله‌لرنی حمایه‌لش و حامله‌دار عیاللردن حفاظت قیلیشنی دوام اېتماقده.
یونیسف چهارشنبه کونی ۳۰-میزان، اۉزی‌نینگ حساباتیده، هوا ساووشی بیلن بیرگه زلزله بۉلگن منطقه‌لرده انسانی احوالی ینه یامانلشه‌یاتگنینی اَیتگن.
اوشبو تشکیلات‌نینگ حساباتیگه کۉره، قیش موسومی کېلیشی بیلن باش‌پناه‌سیز عایله‌لر اېندی ینگی تهدیدگه دوچ کېلماقده‌لر.
حساباتده ایتیلیشیچه، کۉپلب عایله‌لر هلی‌هم چادرلرده یشه‌ماقده و سوو آذیق-آوقت و طبی یاردملر چېکلنگن و اولر جوده آز امکانیت‌گه اېگه.
شرقی ولایتلرده زلزله یوز بېرگنی‌گه بیر نېچه آی بۉلسه-ده، هلی هم کۉپلب جبرلنگن عایله‌لر ساووق تونلرینی باش‌پناه‌سیز و ناقوله‌ی شرایطلر بیلن اۉتکزماقده‌لر.
خلق ارا تشکیلاتلرنینگ آگاه‌لنتیریشیچه، اگر بو عایله‌لرگه تېزلیک بیلن یاردم یېتیب بارمسه، زلزله یوز بېرگن منطقه‌لرده انسانیت هلاکتی‌نینگ یوزه‌گه کېلیشی اوزاق اېمس.
