سمنگان ولایتی مرکزی آیبیک شهریده، بوگون شنبه ۳ – عقرب شانلی بیر احتفال اۉتکزیلیب، ۲۹ – میزان اۉزبېک تیلی ملی کونی نشانلندی.
اوشبو احتفالده سمنگان ولایتی فعاللری، ولایت تورلی حدولریده بۉلگن اهالی، دین عالملری، شاعرلر و یازووچیلر همده قوم بویوکلری اشتراک اېتیب، اۉزبېک تیلی بیره‌مینی تجلیل قیلدی‌لر.
احتفالده اۉزبېک تیلی اهمیتی حقیده صحبت‌لر بۉلیب، بو حقده‌گی شعرلر اۉقیلگن.
شونینگدېک سمنگان ولایت اهالیسی، تیل بیره‌مینی شانلی اۉتکزیش مقصدیده، اۉزبېک/تورکلر مدنیتی‌گه عاید بویوملر و ایدیش‌لر همده کتاب و قۉل یازمه‌لرنی هم نمایشگه قۉیگن.
ایتیش کېره‌ک که اۉتگن بیر هفته دوامی‌ده، کابل، تورکستان و قطغن ولایتلری همده دنیا تورلی مملکتلریده اۉزبېک تیلی بیره‌می نشانلندی.
