دایکندی ولایتیده محلی منبعلر ایتیشیچه، طالبان بو ولایتنینگ پاتوی تومنیدن بۉلگن سابق حربینینگ آتهسینی ایران تامانیدن مجبوراً چیقریب یوباریلگنیدن سۉنگ قۉلگه آلگن و اوندن قورال طلب قیلماقده.
منبعلرگه کۉره، قۉلگه آلینگن شخصنینگ آتی “شیر محمد” بۉلیب، او تخمیناً اوچ آی آلدین ایران تامانیدن چیقریب یوباریلگن.
منبعنینگ ایتیشیچه، طالبان ۲۶-میزان، شیر محمدنی کجران تومنینینگ قاسم آباد قیشلاغیدن حبسگه آلیب، سۉنگ پاتو تومنیگه آلیب کېتیشیگن.
اطلاعات روزگه کۉره، ۶۰ یاشلی شیر محمدنی طالبان قتیق قیناققه سالگن و اوندن قورال همده اۉق-داریلرینی طلب قیلماقده.
شیر محمدنینگ اۉغلی اولگی افغانستان حکومتی دوریده پاتو تومنینینگ “سرتگاب” قیشلاغیدهگی ملی خوفسیزلیک پستینینگ باشلیغی بۉلگن، بیراق طالبان افغانستاننی اېگللگندن سۉنگ اولرگه تسلیم بۉلگن و اۉز قوراللرینی تاپشیرگن.
منبعلر ینه قۉشیمچه قیلهدیلر که، سۉنگی کونلرده پاتو تومنینینگ آقسقاللری شیر محمدنی آزاد اېتیش اوچون بیر نېچه بار طالبان حضوریگه بارگن، بیراق اولر حلی هم اونینگ آزاد قیلینیشگه راضی بۉلمگن.
اطلاعات روزمنبعلریگه اساسلنیب، شیر محمدنینگ عایلهسی اونگه اوچرهشیش حقوقیگه اېگه اېمسلیگینی، شو سببدن اونینگ ساغلیغی حالتی حقیده انیق معلومات یۉقلیگینی ایتگن.
طالباننینگ دایکندیدهگی محلی مسئوللری حاضرگچه بو حبسگه آلینگن شخص حقیده هېچ قندهی ایضاح بېرگن اېمس.
طالبان افغانستانده ینه حاکمیتنی اېگللگنیدن کېیین، عمومی عفو اعلان قیلگن بۉلسه-ده، اولر بیر نېچه بار سابق حربیلر و اولرنینگ قرینداشلرینی حبسگه آلیب، قمب کېلماقده.
