تورکیه‌نینگ استانبول شهری میزبان‌لیگیده اۉتکزیلیب تورگن، طالبان و پاکستان یوقاری مرتبه‌لی رسمی‌لری مذاکره‌سی اۉتگن کون هم دوام اېتیب، نتیجه‌سیز یکونلندی.
بوندن ایلگری، طالبان اوشبو مذاکره‌لر اۉتگن کېچه بیران نتیجه‌گه ایریشیشی ممکن دېب اعلام قیلگن اېدی. بیراق کۉرینیشیچه طالبان طلبی‌گه قرشی بو مذاکره هلی‌گچه نتیجه آلمه‌گن.
اوشبو مذاکره شوندی بیرحالده نتیجه‌سیز دوام اېتماقده دیر که طالبان و پاکستان ایکیسی هم، کېلیشماوچیلیکلر حلی اوچون اۉز ریجهلرینی شریک قیلگنیدن خبر بېرگن.
دېیرلی بو مذاکره، طالبان و پاکستان اۉرته‌سیده‌گی خوفسیزلیک کېلیشماوچیلیکلرنی حل اېتیلیشی همده دوحه‌ده امضا اېتیلگن آتیش-کېسین کېلیشووی عملگه آشیریلیشی خصوصیده قره‌تیلگن دیر.
خلق‌ارا یېتکیرمه‌لر اینقسه رویترز اخبارات آژانسی مذاکره‌ده حضوری بۉلگن منبع‌لر معلوماتیگه اساسلنیب خبر بېریشیچه، ایکی تامان تروریزمگه قرشی کوره‌ش مساله‌سی خصوصیده حاضرگچه کېلیشگن اېمس.
پاکستان، طالبان‌نی بو مملکت‌گه قرشی ترورچی گروه‌لرنی قوللب-قوتلش‌ده عیب‌لب، بو وضعیت یکونی اوچون ایشانچ بېریشینی سۉره‌گن. بیراق طالبان اېسه بو خصوصده پاکستان‌ن قانقتیریش‌ده موفق بۉله آلمه‌گن.
ایتیش کېره‌ک که طالبان تامانیدن پاکستان وکیللری‌گه تاپشیریلگن ریجه‌ده، افغانستان حدودیدن باشقه مملکتلرگه ضد ایش آلینمس‌لیگی معلوم قیلینگن. بیراق کۉرینیشیچه پاکستان وکیللری طالبان بو وعده‌سیگه ایشانمه‌ی کۉپراق ضمانت بېریشینی سۉره‌شماقده دیر.
