امریکا قوشمه ایالتلری‌نینگ اوروش وزیرلیگی یا ده «پنتاگون» اوزاق مسافه‌لی راکته‌لرنی اوکراین‌گه یوباریش‌نی قرار قیلگن.
بو حقده امریکانینگ «سی‌ان‌ان» تلویزیون کانالی خبر بېردی.
نشر اېتیلگن خبرگه کۉره، امریکا تامانیدن اوکراین‌گه یوباریلیشی کوتیلگن راکته «تاماوهاک» راکته تورلریدن بۉلیب، بو حربی ییریک امکانیت‌گه اوکراین قۉل تاپیشی امریکا جمهور باشلیغی تصدیقی‌گه قره‌ب تورگن.
دېیرلی بو راکته‌لر اوکراین اختیاریده قۉییلیشی اوچون امریکا جمهور باشلیغی دونالد ترامپ موافقت بیلدیریشی کېره‌ک دیر.
تاماوهاک راکته امریکانینگ ییریک حربی امکانیت‌لریدن بیری بۉلیب، دنیاده‌گی اینگ کوچلی راکته‌لردن حسابلنه‌دی.
اوکراین جمهور باشلیغی کۉپ وقت‌دن بیری شوندی امکانیت‌لر روسیه‌گه قرشی اوروش‌ده اختیاریده قۉییلیشینی سۉره‌ب کېلماقده دیر.
امریکا اوروش وزیرلیگی‌نینگ بو قراری شوندی بیرحالده دیر که سونگی کونلرده، اوکراین و روسیه اوروشی جدی‌لشگن.
