ریال مادرید فوتبال جماعه‌سی اۉزی‌نینگ اساسی رقیبی بۉلمیش بارسلونا فوتبال جماعه‌سیگه قرشی کینگ مناسبت‌لرگه ایگه بۉلگن غلبه‌سیدن سونگ، اسپانیا فوتبال لیگه‌سی یا ده «لالیگا» اۉیینلری دوامی‌ده، بو کېچه والنسیا فوتبال جماعه‌سیگه قرشی میدانگه چیقه‌دی.
اوشبو اۉیین عرفه‌سیده، ریال مادرید فوتبال جماعه‌سی‌نینگ باش مربی‌سی ژابی آلانسو اۉتکزگن خبری بیر ییغین‌ده، الکلاسیکو غلبه‌سی کبی ینه بیر ییریک غلبه‌نی والنسیاگه قرشی قۉلگه کېلتیریشی‌دن اَیتکن.
ریال مادرید فوتبال جماعه‌سی اۉتگن موسوم یخشی و قانقرلی نتیجه آلمه‌گندن کېین بو ییل جاری موسومده ژابی آلانسو باش مربی‌لیگیده یخشی کۉرینیش‌ده میدان‌لرگه چیقماقده.
دنیانینگ ییریک و کینگ مخلص‌گه ایگه جماعه‌لریدن بۉلمیش ریال مادرید اۉزی‌نینگ یخشی موسومی دوامی‌ده بارسلوناگه قرشی غلبه قازاندی، بو کېچه والنسیاگه قرشی میدانگه چیقه‌دی و اوچ کون‌دن کېین ینه مهم بیر اوچره‌شووده لیورپول اوی استدیونی‌ده انگلستان‌لیک بو جماعه‌گه قرشی اۉینه‌یدی.
ایتیش کېرهک که بو کېچه لالیگاده ریال مادرید بیلن والنسیانینگ اۉیینی ساعت ۱۲:۳۰ دقیقه‌ده باشلنه‌دی.
شونینگدېک لالیگانینگ ۱۱ – هفتهسی چارچوبه‌سیده بو کېچه باشقه اوچ اۉیین هم بۉلیب اوته‌دی.
