تورکستان و قطغن ولایتلریده ایکی کېچه ایلگری یوز بېرگن زلزله قربانلری کۉپه‌ییب بارماقده.
بو حقده نشر اېتیلگن معلوماتلرگه کۉره، حاضرگچه اوشبو واقعه نتیجه‌سیده ۲۷ کیشی جان بېرگنی انیق‌لنگن.
شونینگدېک زلزله‌ده یره‌لنگنلر سانی هم بیر مینگ کیشی‌گه یقینلشگنی خصوصیده معلوماتلر نشر اېتیلگن.
عینی حالده بیرلشکن ملتلر تشکیلاتینینگ بالهلرنی حمایهلش صندیغی یا ده «یونیسف» بلخ و سمنگان ولایتلریده زلزله عاقبتیده ۲۰ دن آرتیق کیشی جان بېریب و ۹۴۷ کیشی یره‌لنگنینی اعلام قیلدی.
یونیسف زلزله نتیجه‌سیده باشپناهسیز قالگن اهالی شاشیلینچ یاردملرگه محتاج دېب هم معلوم قیلگن.
بو تشکیلات تامانیدن بوگون سه‌شنبه ۱۲ – عقرب نشر اېتیلگن حسابات اساسیده، کۉپلب اوی و بنالر ویرانگرلیککه اوچره‌گن.
ایتیش کېره‌ک که زلزله زیان ییتیشتیرگن کۉپلب حدودلرده اهالیسی، هلی‌گچه یاردمگه قۉل تاپمه‌گنلرینی بیلدیرماقده.
