طالبان کانلر و پترولیم وزیرلیگی ژورنالیست‌لر بیلن شریک قیلگن بیاناتیده، بو وزیرلیک تامانیدن ایچکی طبیعی منبع‌لردن فایده‌لنیش خصوصیده‌گی لایحه تیارلنگنینی معلوم قیلدی.
بو حقده نشر اېتیلگن معلوماتگه کۉره، طالبان کانلر و پترولیم وزیرلیگی‌نینگ بو خصوصده‌گی لایحه‌سی اوشبو حاکمیت‌نینگ اقتصادی کمیسیونی تامانیدن تصدیق‌لنیشی مقصدیده، بو کمیسیون‌گه تاپشیریلگن.
طالبان بو لایحه اساسیده، افغانستان کانلریدن ایشلب چیقریش میزانی آشیشینی معلوم قیلدی.
شونینگدېک بو قرار اساسیده، چیت ایل‌دن طبیعی منبع‌لر محصولاتلری وارد اېتیلیشی کمه‌یشی و اهالی اوچون ایش زمینه‌لر یره‌تیلیب، ایچکی عاید کۉپه‌یشی نظرده توتیلگن.
ایتیش کېره‌ک که طالبان حاکمیت‌گه قیتگنیدن بیری، افغانستان اینقسه تورکستان و قطغن حدودلریده‌گی کانلردن ایشلب چیقریش و عاید قۉلگه کېلتیریش‌نی آشیرگن.
بیراق بو حدودلر کانلریدن قۉلگه کېلگن عاید شو حدودلر خلقلری منفعتی‌گه ایش آلینمس‌لیگی شونینگدېک بو خلقلر اوچون ایش زمینه‌لری یۉق‌لیگی شکایت‌لرنی اۉرته‌گه آلیب کېلگن.
