تورکمنستان پایتختی عشق آباد شهریده طالبان ایلچی‌خانه‌سی بیر بیانات نشر قیلیب، تورکمنستان تشقی ایشلر وزیرلیگی، بو مملکت تامانیدن افغانستان‌ده سونگی زلزله‌دن زیان کۉرگنلرگه یاردم یوباریلیشینی معلوم قیلگن.
تورکمنستان تشقی ایشلر وزیرلیگی‌نینگ اۉرین باسری احمد قربانوف، بو مملکتده طالبان ایلچیسی فضل محمد صابر بیلن بۉلگن اوچره‌شوویده، بو مساله‌نی اعلام قیلگن.
شونینگدېک تورکمنستان تشقی ایشلر وزیرلیگی اۉرین باسری، اوشبو واقعه نتیجه‌سیده قربان بۉلگنلر یقین‌لری بیلن اۉز قیغوداشلیگینی هم بیلدیرگن.
تورکمنستان‌دن ایلگری ایران هم، افغانستان‌ده زلزله‌دن زیان کۉرگنلرگه انسان‌پرورلیک یاردمی جونه‌تگنینی معلوم قیلگن اېدی.
ایتیش کېره‌ک که افغانستان شمال و شمال شرقی حدودلریده یوز بېرگن سونگی زلزله، اۉنلب کیشی جان بېریب و یوزلب کیشی یره‌لنیشیگه علاوه، کۉپلب اقتصادی زیانلرگه هم سبب بۉلدی.
بیرلشکن ملتلر تشکیلاتی زلزله عاقبتیده یشش اویلری ویران بۉلیب، باش پناه‌سیز قالگن اهالی شاشیلینچ یاردملرگه محتاج دېب هم اعلام قیلگن اېدی.
