بیرلشکن ملتلر تشکیلاتی‌نینگ مهاجرت اداره‌سی بوگون چهارشنبه ۱۴ – عقرب بیر حسابات نشر قیلیب، افغانستان‌ده زلزله‌دن زیان کۉرگن اهالی آغیر احوالده بۉلگنیدن آگاه‌لنتیردی.
اوشبو تشکیلات حساباتیده قید اېتیلیشیچه، قیش موسومی ییتیب کېلماقده و زلزله سبب باش پناه‌سیز قالگن اهالی شاشیلینچ یاردملرگه محتاج دیر.
بو تشکیلات معلوماتی اساسیده، افغانستان شمال و شمال شرق حدودلریده یوز بېرگن سونگی زلزله‌ده کمیده ۵۱۲ عایله زیان کۉرگن.
حساباتده تاکیدلنیشیچه، سونگی زلزله افغانستان بیش ولایتیده اهالینی زیان‌لنتیرگن که بو جمله‌دن کۉپراق اهالی بلخ و سمنگان ولایتلریده زیان کۉرگن.
ایتیش کېره‌ک که بیرلشکن ملتلر تشکیلاتی باشقه اداره‌لری هم بوندن ایلگری، تیزلیک بیلن یاردم ییتکزیلیشی ضرورلیگینی اعلام قیلگن اېدی.
