بیرلشکن ملتلر تشکیلاتی نینگ مخصوص موافقلشتیرووچیسی اندریکا راتواته غور ولایتیده‌گی جام مناره‌سینی حمایه قیلیش اوچون خلق‌ارا قۉللب-قوّتلشنی سۉره‌دی.
یونسکو چهارشنبه، 14-عقرب بیرلشکن ملتلرتشکیلاتی مخصوص موافقلشتیرووچیسی نینگ کېچه‌گی تشریفی حقیده اعلام قیلیب، جهان همجعیت اوشبو تاریخي یادگارلیکنی سقلش باره‌سیده یاردم بېریشگه چقیرگن.
راتواته تشریف چاغیده بو تاریخي انشات نینگ احوالیدن خواطر بیلدیریب، تأکیدله‌گن: «اگر زودلیک بیلن یاردم کۉرسه‌تیلمسه، جام مناره‌سی وقت اۉتیشی و تورلی تهدیدلر طفیلی یۉقالیش خوفیگه دوچ کېله‌دی.»
او شونینگدېک، یونیسکو نینگ ثمره‌لی همکارلیگیگه منّتدارچیلیک بیلدیرگن.
جام مناره‌سینی حمایه قیلیشگه دایر بو چقیریق سۉنگی ییللرده سېل تاشقینلری طفیلی انشاات نینگ جدّي خوف آستیده قاله‌یاتگن بیر پیتده ایلگری سوریلماقده.
