جاري هفته (4 و 5 نوامبر کونلری) جرمني نینگ هامبورگ شهریده افغانستان و باشقه مملکتلردن بیر گروه ژورنالیستلر، عامه‌وي اخبارات واسطه‌لری مدیرلری همده خلق‌ارا متخصصلر اشتراکیده ییغیلیش بۉلیب اۉتدی.
اوچره‌شوو نینگ اساسي موضوع‌سی شونده‌ی اېدی: «تبعیدده ژورنالیستلر قنده‌ی قیلیب تاباره کوچه‌ییب باره‌یاتگن جهانی باسیملر آستیده هم برداشلی، ثمره‌لی و دالضرب بۉلیب قالیشی ممکن؟»
مذکور تدبیر «هامبورگ مطبوعات اېرکینلیگی هفته‌لیگی» دستوری نینگ بیر قِسمی بۉلیب، «کوربر» جمغرمه‌سی و « تسایت بوکریوس » نهاد تشبثی بیلن تشکیل اېتیلگن.
ییغین دوامیده افغانستانده‌گی و مملکتدن تشقریده‌گی ژورنالیستلر نینگ احوالی حقیده هم فکر المشیلدی. اشتراکچیلر اۉز تجربه‌لری، معمالری و یوتوقلری حقیده سۉزلب اۉتدیلر.
