طالبان نینگ عالي محکمه‌سی بوگون پنجشنبه، 15- عقرب اعلام قیلگن بیاناتیده، کابل شهریده ۱۷ کیشی نشه قیلووچی مادّه‌لر جمله‌دن «تا‌بلیت زیکب»، «که» و الکوللی ایچیملیکلر سوداسی و قاچاقی عیبلاوی بیلن قمچیلب جزالنگنیدن خبر بېردی.
بیاناتگه کۉره، بو شخصلر ۱۰ دن ۳۹ تگه‌چه قمچی ضربه‌سی همده ۷ آی و ۳ یریم ییل آره‌لیغیده قماق جزالریگه حکم قیلینگن.
اولر ایلگری کابلده‌گی نشه قیلووچی مادلرگه قرشی دستلبکی محکمه تامانیدن «عیبدار» دېب تاپیلگن بۉلیب، محکمه قراری عالي سود تامانیدن تصدیقلنگندن سۉنگ اجرا اېتیلگن.
بوندن اوّل بیرلشکن ملتلر تشکیلاتی نینگ افغانستانده‌گی یاردم نهادی (یوناما اۉز اوچ آیلیک حساباتیده معلوم قیلگن اېدی: سۉنگگی اوچ آی ایچیده طالبان مملکت نینگ تورلی ولایتلریده 234 نفر شخص‌نی قمچیلب جزاله‌گن.
حساباتده قید اېتیلیشیچه، اولر آره‌سیده 185 اېرکک، 48 عیال و 1 اۉسمیر باله موجود.
طالبان حاکمیتگه قَیتگنیدن بېری «شریعت حکملرینی اجرا اېتیش» بهانه‌سیده کۉپلب شخصلرنی جماعت آلدیده قمچیلب کېلماقده. بو کبی جزالر انسان حقلری تشکیلاتلری نینگ کېسکین تنقیدیگه سبب بۉلگن
