طالبان سۉزلاوچیسی ذبیح الله مجاهد بوگون اېرته‌لب، شنبه ۱۷ – عقرب بیر بیانات نشر قیلیب، استانبولده بو حاکمیت و پاکستان وکیللری سۉزلشوولری نتیجه‌سیز یکونلنگنیدن خبر بېردی.
طالبان سۉزلاوچیسی بیاناتیده، پاکستان تامانی معمالرنی حل اېتیش اوچون هیچ قنده‌ی تیارگرلیگی یۉق دېب ادعا قیلینگن و شو سبب مذاکره نتیجه‌گه ایریشمه‌گنی تاکیدلنگن.
بو بیانات‌ده کېلیشیچه، پاکستان‌لیک هیات بو مملکت ناتینچ‌لیکلرینی بوتونله‌ی طالبان بوینیگه تشله‌گن و افغانستان و پاکستان خوفسیزلیگیگه ییچیم-یۉل تاپیش اوچون تیار اېمس اېدی.
عینی حالده پاکستان مدافعه وزیری خواجه محمدآصف هم، سۉزلشوولر طالبان‌نی معمالرنی حل اېتیش اوچون تیار بۉلمه‌گنلیگی سبب نتیجه‌سیز یکونلنگن دېب ادعا قیلگن.
بو مذاکره‌لر یکونلنیشی بیلن، طالبان سۉزلاوچیسی بیاتانیده افغانستانگه قرشی هر قنده‌ی هجوم جواب‌سیز قالمسلیگی بیلدیریلگن.
ایتیش کېره‌ک که بوندن ایلگری، پاکسنتان‌لیک رسمی‌لر سۉزلشوو ایجابی نتیجه بېرمه‌گن تقدیرده، اوروشده تیارلیکلرینی اعلام قیلگن اېدی.
