تورکیه حکومتی یقین‌ده بیر قرار قبول قیلیب، اسراییل‌نینگ ۳۷ یوقاری لوازمده‌گی رسمی‌لرینی حبسگه آلینیشی ضرورلیگینی اعلام قیلدی.
تورکیه باش محکمه‌سی قراری اساسیده، اسراییل باش وزیری بنیامین تنیاهو شامل بو شخص‌لر، غزه‌ده انسانیت‌گه قرشی جنایتگه قۉل اوریش و گناه‌سیز انسان‌لرنی اۉلدیریش‌ده اولگورگنلری سبب، حبسگه آلینیشی کېره‌ک دیر.
تورکیه تامانیدن توتقینگه آلینیشی قرار قیلینگن اسراییل‌لیک رسمی‌لر ایچیده، بو مملکت باش وزیری‌گه قوشیمچه، اسراییل سابق اوروش وزیری یوآو گالانت و حاضرگی اوروش وزیری اسرائیل کاتس شونینگدېک اسراییل ملی خوفسیزلیک وزیری ایتامار بن گویر و حربی کوچلر قوماندانی ایال ضمیر هم شامل دیر.
اسراییل‌لیک رسمی‌لرگه قرشی تورکیه بو قراری، حماس گروهی تامانیدن خوش قرشی‌لنگن.
حماس گروهی تامانیدن بو خصوصده نشر اېتیلگن بیاناتده، اوشبو قرار تورکیه رهبریتی و خلقی، فلسطین‌لیکلر یانیده بۉلگنینی بیلدیره‌دی دېب تاکیدلنگن.
ایتیش کېره‌ک که بنیامین نتنیاهو بوندن ایلگری، خلق‌ارا جنایت‌لرگه قرشی کوره‌ش محکمه‌سی تامانیدن هم حبسگه آلینیشی قرار قیلینگن اېدی.
