فاریاب ولایتیده اۉغیرلیک واقعه‌لری کۉپه‌یگنی خبر قیلینگن بیرحالده، طالبان بو ولایتده ینه بیربار ایکی شخص‌نی اوشبو عیبلاو بیلن توتقینگه آلدی.
فاریاب ولایتی خوفسیزلیک قومندانلیگی تامانیدن نشر اېتیلگن بیاناتگه کۉره، بو شخصلر قیصار تومنی‌دن حبسگه آلینگن.
طالبان‌گه کۉره، بو حاکمیت حربی کوچلری تامانیدن اوشلنگن بو ایکی شخص فبوندن ایلگری هم اۉغیرلیک عیبلاوی بیلن حبسگه آلینیب، کېین کفالت بیلن آزاد اېتیلگن اېکن.
ایتیش کېره‌ک که سونگی وقتلرده فاریاب ولایتیده، کۉپلب کیشی شو عیبلاو بیلن طالبان تامانیدن حبسگه آلینگن.
شونینگدېک فاریاب‌گه قوشیمچه باشقه ولایتلر اینقسه سرپل و جوزجان ولایتلریدن هم اۉغیرلیک واقعه‌لری کۉپه‌یگنی خبر قیلینماقده.
ایشانچلرگه کۉره، اهالی آره‌سیده اقتصادی احوال آغیرلنیشی اۉغیرلیکلر کۉپه‌یشی‌نینگ اساسی سببی دیر.
