طالبان تشقی ایشلر وزیرلیگی‌نینگ ادعا قیلیشیچه، قزاقستان تشقی ایشلر وزیری یرمیک کوشربایف، منطقه تینچ‌لیک و برقرارلیگی اوچون طالبان سیاستی‌دن قدرله‌گن.
طالبان تشقی ایشلر وزیرلیگی تامانیدن بوگون سه‌شنبه ۲۰ – عقرب نشر اېتیلگن بیاناتگه کۉره، کوشربایف بو مساله‌نی امیرخان متقی بیلن اۉتکزگن تلیفونی صحبتیده، تیلگه آلگن.
شونینگدېک طالبان و قزاقستان تشقی ایشلر وزیرلری، ایکی تامانلمه مناسبت‌لر و منطقه احوالیگه عاید موضوع‌لر خصوصیده فکر المشتیرگنی هم معلوم قیلینگن.
عینی حالده، طالبان تشقی ایشلر وزیری قزاقستان و باشقه قوشنی مملکتلر بیلن یخشی مناسبتده بۉلیش امیدی‌ده اېکنلرینی هم بیلدیرگن.
ایتیش کېره‌ک که قزاقستان حاضرگچه طالبان‌نی رسمیت‌گه تَن آلمهگن. بیراق شوندی بۉلسه هم بو حاکمیت بیلن اۉتگن تۉرت ییل دوامی‌ده مناسبتلرینی کوچه‌یتیریشگه اولگوریب کېلگن.
