جوزجان بیلیم یورتی‌دن منبع‌لرنینگ اۉزبېک تی‌وی گه تصدیق‌لشیچه، بو بیلیم یورتنینگ اۉزبېک تیلیده بۉلگن لوحه‌سی کوتاریلیب، اۉرنیده فارسچه و پشتونچه تیللریده یازیلگن لوحه قوندیریلگن.
اوشبو واقعه‌نی جوزجان ولایتی‌دن کمیده اوچ منبع اۉزبېک تی‌وی گه تصدیق‌لب، بو ینگی لوحه‌نی کۉزلری بیلن کۉرگنینی اَیته‌دیلر.
اۉزبېک تی‌وی منبع‌لری معلوماتیگه کۉره، جوزجان بیلیم یورتی‌ده طالبان مسووللری تامانیدن، اۉزبېک تیلی‌گه ضد بو حرکت بوگون عملگه آشیریلگن.
ایلگری بو بیلیم یورت‌گه کېریش دروازه‌سیده‌گی لوحه اۉزبېک تیلیده اېدی.
ایتیش کېره‌ک که بوندن ایلگری هم، ایریم جای‌لرده اۉزبېک تیلی‌گه ضد خودی شوندی حرکت طالبان تامانیدن عملگه آشیریلگن اېدی.
