جوزجان بیلیم یورتی‌دن منبع‌لرنینگ اۉزبېک تی‌وی گه ایتیشیچه، بو بیلیم یورت مسووللری، طالبان عالی اۉقوو وزیری ندامحمد ندیم اشتراکیده، بیر ییریک علمی کنفرانس اوچون تیارگرلیک آلیش مقصدیده، بو بیلیم یورت لوحه‌سینی اوزگرتیرگن.
منبع‌لر معلوماتیگه کۉره، جوزجان بیلیم یورتی مسووللری طالبان وزیرینی بیلیم یورتده اۉزبېکچه لوحه اۉرنیده پشتو لوحه قوندیریب، کوتیب آلیش نیتیده اۉزبېکچه لوحه‌نی کوتارگن.
شونینگدېک بیلیم یورت ایچیده‌گی لوحه‌لر هم ینگی‌لشتیریلیب و یالغیز بیر یا ایکی لوحه اۉزبېک تیلیده قالگن باشقه‌لر پشتو و فارس تیللریده یازیلگنینی معلوم قیله‌دی اۉزبېک تی‌وی منبعلری.
ایتیلیشیچه مذکور کنفرانس «افغانستان ترقیاتی اوچون کانلر حصه‌سی» عنوانی آستیده بۉلیب، جاری آی یکونی‌گه قدر بۉلیب اوتیشی ریجه‌لشتیریلگن.
عینی حالده منبع‌لردن باشقه بیری‌نینگ اۉزبېک تی‌وی گه ایتیشیچه، جوزجان بیلیم یورتی‌ده اۉزبېکچه لوحه کوتاریلیشیگه نسبتن ناراضلیکلر بو بیلیم یورت رهبریتی‌گه ییتیب باریب، اولرنی باسیم آستیده قۉیگن.
بیراق شوندی بۉلسه هم بیلیم یورت رهبریتی بو ناراضلیکلرنی نظرده توتیب، لوحه‌نی اوزگرتیریش‌ده هلی تیار بۉلمه‌گن.
ایتیش کېره‌ک که جوزجان بیلیم یورتی عمومی دروازه‌سیده اۉزبېکچه لوحه کوتاریلیشی کینگ ناراضلیکلر و تنقیدلرگه سبب بۉلگن.
