ایران عاموی اخبارات واسطهلری خبر بېریشیچه، تجارت حرکتلرینی آسانلشتیریش مقصدیده، “پل ابریشم-میلک” چېگرهسینینگ صفری نقطهسیده ایکینچی یېر یۉلینی قوریش ایشلری باشلندی.
ایران اخبارات واسطهلریگه کۉره، طالبان صنعت و سودا وزیری نور الدین عزیزی شوندهی دېیدی: “سودانی کېنگهیتیریش و واردات-صادراتنی آسانلشتیریش اوچون صفری نقطهسیده ینگی یۉل قوریشی حقیده کېلیشووگه کېلدیک”.
او شونینگدېک، بو چاره هر
ایکی دولت اوچون فایدهلی اېکنینی و سودا حجمینینگ آشیشیگه آلیب کېلیشینی قۉشیمچه قیلگن.
طالبان صنعت و سودا وزیری ینگی یۉلنینگ یوک تاشیش صلاحیتینی آشیریشگه امکان یرهتیشینی ایتیب، کونیگه تخمینن مینگه یوکتاشووچی موترنینگ حرکت قیلیشیگه امکان بېریش ضرورلیگینی تٲکیدلب اۉتگن.
او شونیندېک قۉشیمچه قیلگن: “بیز میلک چېگرهسی بۉییچه ایکی تامانلمه سودا جوده فایدهلی و تٲثیرلی چېگرهلریدن بیری بۉلیشیگه ایشانهمیز”.
ایراننینگ سیستان و بلوچستان ولایتی حاکمی منصور بیجار هم ینگی یول کونیگه تخمینن مینگته یوک تاشووچی موترینی اۉتکزیش امکانینی بېرهدی و ایران بیلن افغانستان اۉرتهسیدهگی تخمینن ۱۰ میلیارد دالر قیمتیدهگی اقتصادی کېلیشوولرنی مستحکلمشده مهم رول اۉینهیدی، دېب تٲکیدلهگن.
او ایراننینگ اوشبو ولایتدهگی عملدارلر بیلن تجارت و چېگره بۉییچه صحبت اۉتکزماقده.
