روسیه تشقی ایشلر وزیرلیگینینگ سۉزلاوچیسی ماریا زاخاورا اۉتکزگن خبری بیر ییغینده، طالبان و پاکستان اۉرتهسیده دوام اېتیب تورگن تارتیشوولر خصوصیده هم فکر بیلدیرگن.
زاخاورا نینگ تاکیدلشیچه، بو تارتیشوولرگه دیپلوماتیک یۉللر آرقهلی ییچیم تاپیش کېرهک دیر.
شونینگدېک روسیه تشقی ایشلر وزیرلیگی سۉزلاوچیسی، بو مملکت اوشبو تارتیشوولر یکونلیشی مقصدیده واسطهچیلیک قیلیشده تیار اېکنینی هم معلوم قیلدی.
عینی حالده روسیه تشقی ایشلر وزیرلیگی سۉزلاوچیسی، طالبان و پاکستان اۉرتهسیدهگی قرمه-قرشیلیکلر یالغیز روسیهنی اېمس بلکه خلقارا همجمعیتینی هم خواطرلنتیرگن دېب بیلدیردی.
ایتیش کېرهک که روسیهدن ایلگری، ایران هم بو تارتیشوولر حل اېتیلیشی اوچون واسطهچیلیک قیلیشده تیار اېکنینی بیلدیرگن اېدی.
دیمک حاضرگچه طالبان و پاکستان مذاکرهلری تورکیه و قطر واسطهچیلیگده بۉلیب اۉتگن. بیراق بو مذاکرهلر ایجابی نتیجه بېرمهی یکونلندی.
