طالبان مدافعه وزیرلیگی بیر بیانات نشر قیلیب، بو حاکمیت حربی کوچلری تامانیدن کابل‌نینگ خاکجبار حدودیده، راکته سقلنه‌یاتکن بیر انبار تاپیلگنیدن خبر بېردی.
بو حقده نشر اېتیلگن معلوماتگه کۉره، اوشبو انبارده ۱۸ ته «بی‌ام – ۲۱» راکته و اونینگ اۉقی تاپیلگن.
دیمک طالبان سونگی تۉرت ییل دوامی‌ده، افغانستان بویلب موجود بۉلگن قوراللرنی تاپیش مقصدیده، اوی تیکشیرولرینی اۉتکزگن.
اوشبو تلاشلر دوامی‌ده، اۉتگن کون طالبان سرپل ولایتی سانچارک تومنی‌ده هم بیر اوی‌ده سقلنه‌یاتکن کلاشینکوف توریده‌گی قورال‌نی تاپیب آلگنیدن خبر بېردی.
بو قوراللر شوندی بیرحالده تاپیلماقده دیر که طالبان قوراللرنی ییغیش مقصدیده بیر نیچه مراتبه اوی تلاشی‌لرینی اۉتکزیشیگه قره‌مسدن هلی هم افغانستان تورلی حدودلریده قورالی حرکتلر دوام اېتماقده دیر.
اوشبو حرکتلر دوامی‌ده، کۉپلب کیشی‌لر اینقسه سابق حکومت حربی‌لری قورالی شخص‌لر تامانیدن اۉلدیریلگن و قورالی اۉغیرلیکلر هم یوز بېرگنی خبر قیلینگن.
شونینگدېک اخیرگی وقتلرده، اوشبو واقعه‌لر رقمی هم کۉپهیگن.
