پاکستان تشقی ایشلر وزیرلیگی‌نینگ سۉزلاوچیسی طاهر حسین اندرابی، بو مملکت و طالبان اۉرته‌سیده‌گی تارتیشوولر حل اېتیلیشی خصوصیده، ایران اسلامی جمهوریتی‌نینگ واسطه‌چیلیگینی قوللب-قوتله‌دی.
اندرابی پاکستان معمالر دیپلوماتیک یۉللر آرقه‌لی حل اېتیلیشیگە ایشانیب، ایران واسطه‌چیلیگیدن حمایه قیله‌دی دېب بیلدیرگن.
دیمک ایران تشقی ایشلر وزیرلیگی بوندن ایلگری، طالبان و پاکستان اۉرته‌سیده واسطه‌چیلیک قیلیش‌ده تیارلیگینی اعلام قیلگن اېدی.
طالبان اېسە حاضرگچه ایران بو تکلیفی خصوصیده بیران جواب قیترگن اېمس.
شونینگدېک روسیه تشقی ایشلر وزیرلیگی هم بو مملکت طالبان و پاکستان اۉرته‌سیده واسطه‌چیلیک قیلیش‌ده تیار دېب اعلام قیلدی.
روسیه تشقی ایشلر وزیرلیگی سۉزلاوچیسی ماریا زاخارووا، طالبان و پاکستان تارتیشوولری روسیه و خلق‌ارا هم‌جمعیتی اوچون خواطرلی دېب بو تارتیشوولرگه سۉزله‌شووو‌آرقه‌لی ییچیم تاپیلیشینی تکلیف قیلگن.
ایتیش کېرە‌ک که حاضر طالبان و پاکستان اۉرته‌سیده، تورکیه و قطر واسطه‌چیلیک قیلیب کېلماقدە. دیمک واسطه‌چیلیک قیلیب تورگن بو مملکتلر ایران‌گه نسبتن طالبان و پاکستان اوستیده تاثیرلی دیر. بیراق شوندی بۉلسه هم حاضرگچه ایککی تامان معمالری حل اېتیلیشی اوچون کېلیشیب آلالمه‌گن.
