طالبان عالی اۉقوو وزیرلیگی تامانیدن نشر اېتیلگن معلوماتگه کۉره، بو حاکمیت رهبریتینینگ قراری اساسیده، بیر قنچه ولایتلر بیلیم یورت و معارف باشلیغلری اوزگرتیریلگن.
طالبان رهبری قراری اساسیده، جوزجان بیلیم یورتینینگ حاضرگی اۉزبېک باشلیغی انوارالحق حبیبی اۉرنیده، سرپل بیلیم یورتینینگ پشتون قومیگه منسوب باشلیغی سیدشاه حمیدی تعیینلنگن.
شونینگدېک حبیبی اېسه، سرپل بیلیم یورت باشلیغی لوازمیگه تعیینلنگن.
عینی حالده طالبان رهبری، فاریاب بیلیم یورتی باشلیغینی هم اوزگرتیریب، بو ولایت حاضرگی معارف باشلیغی حمیدالله ارشادنی بیلیم یورت باشلیغی اېتیب تعیین قیلگن.
طالبان عالی اۉقوو وزیرلیگی تامانیدن نشر اېتیلگن معلومات اساسیده، سمنگان ولایتی رویدوآب اولسوالی نصیراحمد کامیاب، هم بو ولایت بیلیم یورتی باشلیغی اولهراق تعیینلنگن.
بو اوزگریشلر شوندی بیرحالده دیر که سونگی کونلرده، جوزجان بیلیم یورتینینگ باشلیغی بو بیلیم یورت اۉزبېکچه لوحهسینی کوتارگنی کینگ تنقیدلرگه سبب بۉلگن اېدی.
بونگه قوشیمچه طالبان رهبری تامانیدن، کابل، کاپیسا، کنر، پکتیا، غزنی و میدان وردک ولایتلریده هم بیلیم یورت و معارف باشلیغلری اوزگرتیریلگن.
