اۉزبېک تیوی بلخ ولایتی مرکزی مزارشریف شهریدهگی منبعلری یاردمی بیلن، طالبان تامانیدن امیرالکلام میرعلیشیر نوایینی اېسلب ینگی قوریلهیاتکن بنانی بنه بیربار تیکشیردی.
منبعلر معلوماتیگه کۉره، بو لایحه ایشلری بیراز دوام اېتگن و طالبان تامانیدن غیشتدن بیر کیچیک دیوار قوریلگن و هلیگچه بو یادگارلیک انیق قندهی قوریلیشی بیللی اېمس.
دېیرلی اوچ آی ایلگری باشلنگن بو بنا ایشلری، شونچه زمان اۉتیشی بیلن قانقرلی درجهده ایلگری کېتمهگنی کۉرینهدی.
مزارشریف شهریدهگی مخابرات تورت یوللیگیده جایلشگن امیر علیشیر نوایی یادگارلیگی بوزیلگن جایدن آلینگن ینگی صورت، بو لایحه ایشی خوددی شوندی دستلبکی باسقیچده اېکنینی بیلدیرهدی.
دیمک جاری ییل نینگ ۱۹ – اگوست کونیده بوتونلهی ویران قیلینگن اېسکی هیکل اۉرنیده حاضر قَیته برپا اېتیلهیاتگن ینگی بنا کۉرینماقده.
نوایی هیکلی نینگ بوزیلیشی افغانستاندهگی تورک ضیالیلری و سیاستچیلری اۉرتهسیده کېنگ ناراضیلیک تۉلقینینی کېلتیریب چیقردی و اولر بو ایشنی مملکت نینگ عمومي مدني میراثیگه نسبتاً حرمتسیزلیک دېب بهالهدیلر.
شونینگدېک، اۉزبېکستان تشقی ایشلر وزیرلیگی هم بو بارهده طالبان حکومتیدن ایضاح سۉردی.
مذکور واقعهدن سۉنگ مزار شریف بلدیه ادارهسی، امیر علیشیر نوایی حیاتی و شجرهسی، تۉرت تیلده — دري، پشتو، اۉزبېک و انگلیس تیللریده — تاشگه اۉییب یازیلهدیگن ینگی یادگارلیک قوریلیشینی باشلهگنینی معلوم قیلدی.
اېندی هیکل و اېسکی یادگارلیک بوزیلگنیگه همده ینگی انشاات اوستیده ایش باشلنگنی اوچ آیگه یقینلشدی و بو یېرده طالبان عیناً قندهی یادگارلیک برپا قیلهیاتگنی اونینگ تۉلیق بیتیشی بیلن معلوم بۉلهدی.
مزارشریفده بو یادگارلیک قوریلیش ایشلری اوچ آی زمان اوتیشی بیلن شوندی بیرحالده شونچهلیک آز ایلگری کېتگن که بوندن ایلگری هم اۉزبېک تیوی لایحهنی یقیندن تیکشیریشگه اولگورگن اېدی.
اۉزبېک تیوی منبعلری معلوماتلریگه اساسلنیب لایحه ایشلری قندهی کېتەیاتکنی ناانیقلیگیدن خبر ترقهتیشیدن کېین فعاللر، بو ییرده قوریلهیاتکن بنا نیمهلیگی ناانیقلیگیدن تنقید قیلگندی.
