طالبان ساغلیقنی سقلش وزیرلیگی بوگون یکشنبه ۳- قوس، بیر بیانات نشر قیلیب، جوزجان ولایتی کسلخانه‌سیده باله‌لر بۉلیمی اوچون ینگی بیر بنا قوریلیشیدن خبر بېردی.
بو حقده نشر اېتیلگن بیاناتگه کۉره، اوشبو بنانینگ قوریلیش ایشلری باشلنگن.
بو لایحه عملگه آشیریلیشی اوچون ۱۴ میلیون افغانی بودجه نظرده توتیلگنی قوشیمچه قیلینگن طالبان ساغلیقنی سقلش وزیرلیگی بیاناتیده.
طالبان جوزجان ولایتی کسلخانه‌سیده شوندی بیرحالده بیر لایحه عملگه آشیریلماقده دیر که بو کسلخانه‌ده امکانیت‌لر آزلیگی شکایت‌لرگه سبب بۉلگن اېدی.
بوندن ایلگری، کسلخانه کسللریدن بیری اۉزبېک تی‌وی یازگن معلوماتیده، دارو و درمان یۉق‌لیگینی بیلدیرگن اېدی.
ایتیلیشیچه ییترلیچه دارو یۉق‌لیگی و شفاکارلرنینگ اعتبارسیزلیگی اهالی اوچون اساسی معما دیر.
