خبرلرگه کۉره، هنگ کنگ نینگ شِمالیده‌گی تای پو حدودیده جایلشگن بیر نېچته بلند یشش-جای بنالریده یوز بېرگن ییریک یانغین حاضرگه کمیده 13 کیشی نینگ اۉلیمیگه سبب بۉلگن.
رویترز خبریگه کۉره، یانغین چهارشنبه کونی « وانگ فوک کورت » یشش-جای مجموعه‌سیده یوز بېرگن. اوشبو مجموعه ایکّی مینگته یشش-جای خاندانینی اۉز ایچیگه آله‌دی.
قویاش باتیشی بیلن، 31 قبتلی بنالردن قویوق قاره توتون آسمانگه کۉتریلر، آلاو نینگ یانووچی نوری تونگی آسمانگه تره‌لر اېکن، اۉت اۉچیرووچیلر یانغین‌نی نظارت قیلیشگه حرکت قیلگن.
هنگ کنگ یانغین خوفسیزلیگی باشقرمه‌سی رسميلری واقعه جایی یقینیده عامه‌وی اخبارات واسطه‌لری بیلن قیلگن صحبتده، قیزیب کېتگن بنالر نینگ یوقاری قبتلریگه یېتیب باریش اۉت اۉچیرووچیلر اوچون جوده قیینلشگنی‌نی ایتیشگن.
اولر قۉشیمچه قیلیشیچه، ظلمت توشگچ، یانغین‌نی نظارت قیلیش ینه‌ده مرکّبلشگن.
رسميلر مطبوعات انجمنیده معلوم قیلیشیچه، یانغین جاییگه 700 دن آرتیق اۉت اۉچیرووچی و طبي خادملر یوباریلگن.
اولر نینگ ایتیشیچه، اوشبو اوپراسیونده 100 دن آرتیق یانغین اۉچیرووچی مو‌تر و 57 ته آمبولانس(تېزیاردم) قتنه‌شگن.
اولر شونینگدېک، 700 نفر اهالی باش‌پناه‌لرگه کۉچیریلیب آلیب باریلگن.
