بیرلشکن ملتلر تشکیلاتی‌نینگ بالهلرنی حمایه‌لش صندیغی یا ده «یونیسف» بیر بیانات نشر قیلیب، افغانستان شمالی حدودلریده سۉنگی زلزله‌دن زیان کۉرگنلرگه یاردم ییتکزیلیشینی تاکیدلدی.
افغانستانده یونیسف مسوولی تاج الدین اویوالی بو حقده نشر قیلگن بیاناتیده، زلزله‌دن زیان کۉرگن قیشلاقلردن بیریگه باریب، اهالی احوالینی یقین‌دن تیکشیرگنلرینی معلوم قیلدی.
یونیسف بیاناتیده، فقیرآباد ناملی بو قیشلاقده اهالی اینقسه باله‌لر آغیر احوالده اېکنی معلوم قیلینگن.
شونینگدېک یونیسف تشکیلاتی، اوشبو اهالیگه یاردم ییتکزگنینی معلوم قیلیب، بیراق اولر کۉپراق یاردمگه محتاج دېب اورغوله‌دی.
ایتیش کېره‌ک که سۉنگی وقتلرده، افغانستان شمالی حدودلریده یوز بېرگن زلزله‌ده کۉپلب اهالی باش‌پناه‌سیز قالگن که قیش موسومی ییتیب کېلیشی بیلن اولرنینگ احوالی خصوصیده خواطرلر کېسکین‌لشیب بارماقده.
