بیرلشکن ملتلر تشکیلاتی نینگ عیاللر بۉلیمی افغانستانده عیاللرگه نسبتاً زۉرآورلیک درجه‌سی تېز سرعتده آشه‌یاتگنینی و میلیونلب خاتین-قیزلر یقین وقتده یاردم و حمایه‌گه محتاج اېکنینی معلوم قیلدی.
تشکیلات پنجشنبه کونی 6 -قوس، اعلام قیلگن حساباتیده ایتیشیچه، ایکّی ییلدن کم وقت ایچیده خوف آستیده بۉلگن عیاللر و قیزلر سانی 40 فایزگه آشگن.
عیاللر بۉلیمی قۉشیمچه قیلیشیچه، مالیوي یاردم نینگ کمه‌ییشی اولر نینگ افغانستانده جندرگه اساسلنگن زۉرآورلیککه قرشی کۉرسه‌تیله‌دیگن مهم خدمتلرینی چېکلب قۉیگن.
بیرلشن ملتلر تشکیلاتی شونینگدېک، حاضرده تخمیناً 14 میلیون عیال یاردم و حمایه خدمتلریگه محتاج اېکنینی بیلدیردی.
حساباتگه کۉره، افغانستانده‌گی عیاللر باشچیلیگیده‌گی محلي تشکیلاتلرلایحه سی‌نینگ قریب بېشدن بیر قِسمینی یۉقاتگن.
عیاللر بۉلیمی تأکیدلشیچه، طالبان حاکمیتنی اېگه‌له‌گنیدن کېین اوّلگی اجتماعي حمایه تیزیملری نینگ پرچه‌لنیشی میلیونلب عیاللرنی مراجعت قیله‌دیگن جایسیز قالدیرگن و ضرور خدمتلرگه کیریش امکانینی کېسکین چېکلب قۉیگن.
